കോൺഗ്രസിന് മുസ്‌ലീം വോട്ട് വേണം, മുസ്‌ലീം സ്ഥാനാർഥിയെ എന്തുകൊണ്ട് വേണ്ട? ഖർഗയ്ക്ക് കത്ത് |

Click here for detailed news of all items

കോൺഗ്രസിന് മുസ്‌ലീം വോട്ട് വേണം, മുസ്‌ലീം സ്ഥാനാർഥിയെ എന്തുകൊണ്ട് വേണ്ട? ഖർഗയ്ക്ക് കത്ത്

Saturday, April 27, 2024 11:53 AM IST

മുംബൈ: തെരഞ്ഞെടുപ്പ് പ്രചാരണ സമിതിയിൽ നിന്നും പിൻവാങ്ങി മഹാരാഷ്ട്ര കോൺഗ്രസ് നേതാവ് മുഹമ്മദ് ആരിഫ് നസീം ഖാൻ. ലോക്സഭാ തെരഞ്ഞെടുപ്പിൽ സംസ്ഥാനത്ത് നിന്നും ഒരു മുസ്‌ലീം നേതാവിനെയും നാമനിർദേശം ചെയ്യാത്തതിൽ അതൃപ്തി രേഖപ്പെടുത്തിയാണ് അദ്ദേഹത്തിന്‍റെ പിന്മാറൽ.

പ്രതിപക്ഷമായ മഹാ വികാസ് അഘാഡി (എംവിഎ) ബ്ലോക്ക് ഒരു മുസ്‌ലീം സ്ഥാനാർഥിയെയും നിർത്തിയിട്ടില്ലാത്തതിനാൽ ലോക്‌സഭാ തെരഞ്ഞെടുപ്പിൽ താൻ പ്രചാരണത്തിനില്ലെന്ന് കാണിച്ച് അദ്ദേഹം പാർട്ടി അധ്യക്ഷൻ മല്ലികാർജുൻ ഖാർഗെക്ക് കത്തയച്ചു.

മഹാരാഷ്ട്രയിലെ ആകെ 48 ലോക്‌സഭാ സീറ്റുകളിൽ ഒരു മുസ്‌ലീം സ്ഥാനാർഥിയെപ്പോലും നോമിനേറ്റ് ചെയ്തിട്ടില്ലെന്ന് അദ്ദേഹം ചൂണ്ടിക്കാട്ടി.

മഹാരാഷ്ട്രയിലുടനീളമുള്ള നിരവധി മുസ്‌ലീം സംഘടനകളും നേതാക്കളും പാർട്ടി പ്രവർത്തകരും ന്യൂനപക്ഷ സമുദായത്തിൽ നിന്ന് ഒരു സ്ഥാനാർഥിയെയെങ്കിലും കോൺഗ്രസ് നോമിനേറ്റ് ചെയ്യുമെന്ന് പ്രതീക്ഷിച്ചിരുന്നു, പക്ഷേ നിർഭാഗ്യവശാൽ അത് സംഭവിച്ചില്ല. അദ്ദേഹം കത്തിൽ സൂചിപ്പിച്ചു.

കോൺഗ്രസിന് മുസ്‌ലീം വോട്ടുകൾ വേണം, പക്ഷേ എന്തുകൊണ്ട് സ്ഥാനാർഥികളെ വേണ്ടാത്തത് എന്ന് പാർട്ടി നേതാക്കളും പ്രവർത്തകരും തന്നോട് ചോദിക്കുകയാണ്. ഇതിനൊന്നും നൽകാൻ എനിക്ക് ഉത്തരമില്ല. അതുകൊണ്ട് മഹാരാഷ്ട്ര കോൺഗ്രസ് പ്രചാരണ സമിതിയിൽ നിന്നും താൻ രാജിവെക്കുകയാണെന്നും അദ്ദേഹം പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.